Arnoweg

„1200 Kilometer Gesamtstrecke, 80000 Höhenmeter Gesamtanstieg, 500 Stunden Gehzeit”

— Clemens Hutter: Arnoweg

Jednodniówki

Wyprawy na jedyn dziyń se do nejłatwiyj dopasować do aktualnej pogody i Markecinego Dienstplanu. Oprócz tego nie trza załatwiać nocleg i obawiać se tego, że Zeus beje meldowoł każdego, gdo w nocy przyndzie koło pokoju/matraca 🙂

Hallein – Golling

Etapa ⇔ ⇑ ⇓ Czas
4 Hallein – Bad Dürnnberg – Golling 16 km 900 m 900 m 6,5 godz.
W sumie 16 km 900 m 900 m 6,5 godz.

Plan:

  1. Rano pocióngym do Halleinu (podróż trwo cca godzinke)
  2. Wieczór pocióngym z Gollingu (podróż trwo cca godzinke)

Alternatywy:

  1. Podjechać do Gollingu samochodym a zwiyźć se pocióngym yny z Gollingu do Halleinu.

Lofer – Weißbach bei Lofer

Etapa ⇔ ⇑ ⇓ Czas
9 Lofer – Schmidt-Zabierow Hütte 7 km 1350 m 0 m 4 godz.
10 Schmidt-Zabierow Hütte – Maria Kirchental – St. Martin – Weißbach bei Lofer 14 km 300 m 1600 m 5 godz.
W sumie 21 km 1650 m 1600 m 9 godz.

Godziny otwarcia:

  1. Schmidt-Zabierow Hütte otwiyro w sobote 17 czerwca (2017).

Plan:

  • 06:00 – pobudka + śniodani
  • 6:50 – autobusym z Zell am See do Loferu (jeździ yny Po-So, nie jeździ w niedziele a śfiynta!)
  • 7:40 – wyjści z Loferu
  • 12:00 – obiod na Schmidt-Zabierow Hütte (45 min)
  • 17:55 – odjazd autobusym z Weißbachu

Alternatywy:

  1. Jeśli by był samochód do dyspozycji: zajechać do Weißbachu samochodym → nasiednóć na autobus (07:29) →nie stresować se, że 17:55 trza być zpatki 🙂

Weißbach bei Lofer – Saalfelden am Steinernen Meer

Etapa ⇔ ⇑ ⇓ Czas
11 Weißbach bei Lofer – Passauer Hütte 9 km 1350 m 0 m 4 godz.
12 Passauer Hütte – Leogang – Saalfelden 12 km 0 m 1300 m 5 godz.
W sumie 21 km 1350 m 1300 m 9 godz.

Na Passauer Hütte uż żech wyczłapoł aji od stróny Weißbachu aji od stróny Leogangu, także trasa nima nieznajomo, i choć aji start 11. etapy aji cel 12. etapy sóm w troche inszym miejscu.

Godziny otwarcia:

  1. Passauer Hütte otwiyro w sobote 17 czerwca (2017).

Plan:

  • 6:50 – autobusym z Zell am See do Weißbachu (jeździ yny Po-So, nie jeździ w niedziele a śfiynta!)
  • 07:30 – śniodani w Weißbachu (30 min)
  • 12:00 – obiod na Passauerhütte (60 min)
  • 18:00 – piwko albo dwa w Saalfelden – wg tego o kierej mi pojedzie jaksi cug w stróne Zell am See 🙂

Alternatywy i opcje:

  1. Trasa by mógła zajimać aji Pawlinke.
  2. Na piwko w Saalfelden by szło zónść z Beranami.
  3. Pokiel bych chcioł iść w niedziele (albo świynto), tak piyrfszy autobus jedzie aż o 8:50, czyli cały plan by se musioł posunyć o 1,5 godz. puźni (śniodani by było dóma, ni w Weißbachu), coż by też szło.
  4. Trasa nima aż tak zabójczo, Markét by jóm mógła zwladnóć (jeśli rano stanie). W takim wypadku by szło do Saalfelden podjechać autym.
  5. Rozdzielić wyprawe na dwa dni i przenocować na chacie w sobote 24 czerwca, jak sóm Sonnwendfeuerbrennen.

Przed wyjściym:

  1. Stwierdzić se, gdo mi rano w Weißbachu opieczóntkuje zeszyt.

Saalfelden am Steinernen Meer – Zell am See

Etapa ⇔ ⇑ ⇓ Czas
13 Saalfelden – Maria Alm – Statzer-Haus am Hundstein 15 km 1400 m 0 m 5,5 godz.
14 Statzer-Haus am Hundstein – Thumersbach – Zell am See 9 km 100 m 1400 m 3 godz.
W sumie 24 km 1500 m 1400 m 8,5 godz.

Godziny otwarcia:

  1. Statzer-Haus – niewiadomo…

Jednodniówka po trasie, kieróm móm mniyj wiyncyj zjeżdżónóm na kole. Nie wymago jaksigo specjalnego planowanio: fczas rano cugym do Saalfeldenu i od cugowego na piechote aż do chaupy z pauzóm na obiod na chacie.

Alternatywa: przi powrocie do Zell am See nie obchodzać jedzioro, ale niechać se przewiyźć taxi-łódkóm, jak polecajóm w przewodniku. Pytani je, czy bieróm pieski na pokład a czy bedymy w Thumersbachu dość fczas.

Przed wyjściym:

  1. Stwierdzić, kaj se w Saalfeldenie do niechać opieczóntkować zeszyt. Na cugowym by to było nejprostsze, pytani je czy tam tak po ranu gdosi beje 🙂

Zell am See – Mittersill

Etapa ⇔ ⇑ ⇓ Czas
15a Zell am See – Schmittenhöhe – Pinzgauer Hütte 8 km 1200 m 200 m 3 godz.
15 Pinzgauer Hütte – Pinzgauer Spaziergang – Bürgl-Hütte 23 km 600 m 600 m 8 godz.
16 (*) Bürgl-Hütte – Sintersbachscharte – Mittersill 9 km 350 m 1250 m 3,5 godz.
W sumie 40 km 2150 m 2050 m 14,5 godz.

(*) yny piyrfszo czynść etapu, dane obliczóne wg mapy

Godziny otwarcia:

  1. Pinzgauer Hütte mo otwarte od 8 czerwca do 16 października (2017) każdy dziyń od 07:00 do 22:00.
  2. Bürgl-Hütte mo otwarte od poczóntku czerwca do piyrfszego weekendu w paździyrniku.

Jednodniowe przejści z Zell am See do Mittersillu z powrotym Pinzgauer Lokalbahnym żech planowoł eszcze przed tym niż żech wiedzioł o Arnoweg. Trasa je kurewsko długo (cca 40 km) a ostatni cug z Mittersillu w stróne Zell am See jedzie uż 19:08 (patrz Fahrplan), także plan je:

  • 4:00 – pobudka
  • 4:30 – wyjści przed albo wraz ze świtym
  • 7:30 – śniodani na Pinzgauer Hütte (30 min)
  • 14:00 – puźny obiod na Bürgl-Hütte (60 min)
  • 18:30 – piwko kajsi blisko cugowego w Mittersillu (30 min)
  • 19:08 – odjazd do Zell am See

Alternatywy na wypadek, że by my szli w dziyń, kiedy Markét pracuje w Mittersillu:

  1. Ku Bürgl-Hütte idzie dojechać autym (z Stuhlfeldenu), tak by tam mógła po nas wyjechać.
  2. Mógła by na nas poczkać w Mittersillu (w szpitolu je pry roboty dycki dość).

W obu wypadkach by my mógli ture zakóńczyć wspólnóm kolacjóm (na Bürgl-Hütte albo w Mittersillu) 🙂

Dłógi weekend (11. – 15.8.2017)

Plan (ogólnie): wykorzystać wolny wtorek 15 sierpnia oraz to, że w pióntek mogym skóńczyć w pracy uż w połednie 🙂

Neukirchen am Großvenediger – Kaprun

Etapa Dziyń ⇔ ⇑ ⇓ Czas
22 Neukirchen am Großvenediger – Habachtal – Neue Thüringer Hütte pió 14 km 1400 m 0 m 6 godz.
23 Neue Thüringer Hütte – Larmkogel – Neue Fürther Hütte sob 4 km 800 m 800 m 4 godz.
24 Neue Fürther Hütte – St. Pöltener Hütte sob 11 km 750 m 450 m 5 godz.
25 St. Pöltener Hütte – Granatscharte – Rudolfshütte nie 20 km 1300 m 1500 m 10 godz.
26 Rudolfshütte – Fürther-Moar-Alm pon 14 km 600 m 1100 m 6 godz.
27 Fürther-Moar-Alm – Krefelder Hütte Maiskogel – Kaprun wto 17 km 900 m 1900 m 7 godz.
W sumie   80 km 5750 m 5750 m 38 godz.

6 wysokogórskich etap za 4,5 dnia – jeśli dopisze pogoda, tak termin w połowie sierpnia beje idealny.

Plan dziyń po dniu:

  1. W pióntek odjazd lokalkóm z Kitzsteinhornstrasse o 13:04, wysiadka w Neukirchen o 14:12. Kajsi w mieście muszym zegnać pieczóntke do Sammelhefciku i potym hura na piechote na Neue Thüringer Hütte (2240 m). Nocleg na matracach je pono yny za 8€, jedzyni nie wiadomo….
  2. W sobote zaroz z rana wyczłap na nejwyższóm góre całej trasy (Larmkogel, 3017 m), potym zejści na obiod do Neue Fürther Hütte (2201 m). Popołedniu (o ile dopisze pogoda) przejści dalszej etapy Arnoweg aż na St. Pöltener Hütte (2481 m). O cenach za nocleg albo jedzyni nima na strónkach żodne info. Ewent. jeśli beje dość czasu, dać na chacie yny kolacje a na nocleg przynść aż na Grünseehütte (2235 m), kaj nie trza za nocleg płacić (ale też se go nie do rezerwować…) 🙂
  3. W niedziele przez Granatscharte ku Weißsee i Rudolfshütte (2311 m). Po trasie se oferuje możliwość podwyższyć poprzeczke i odskoczyć se na Sonnblick (3088 m) albo Granatspitze (3086 m). Otwarto je sprawa noclegu: na Rudolfshütte je cenowo OK akurat Schlafraum (37 € z kolacjóm i śniodaniym), ale miejsca tam je yny do 11 ludzi, także bez uprzednigo zamówiynia może być problem.
  4. W poniedziałek przez Kapruner Törl (2639 m) i koło zapory Mooserboden ku Fürther-Moar-Alm. Niestety, na strónkach nima żodne czytelne info o noclegu, także możne beje lepsze przespać kajsi u zapory albo odboczyć z trasy na uż wypróbowany Heinrich-Schwaiger-Haus (2802 m) i przespać se na matracu za 12€.
  5. We wtorek uż „yny” wylyźć przez Hohe-Kammerscharte (cca 2650 m) pod Kitzsteinhorn a potym zlyźć koło Alpincentra (2450 m) a Krefelder Hütte (2295 m) na grzebiyń, po kierym lekko i elegancko dóndym aż na Dreiwallnerhöhe (1861 m) nad Maiskogelym. Stamtónd uż ni tak lekki, ale zato na pewno triumfalne zejści koło Glocknerblicku aż do Kaprunu (btw. z wielki czynści se idzie po trasie kaj zjyżdżóm na kole). Autobus z Kaprunu (Ortsmitte) do Zell am See jeździ każdóm godzinke o :52 aż do jedynostej (tj. ostatni jedzie 22:52).