Setno skialpowo tura

Wiosna uż se u nas zameldowała, ale techniczny śniyg wydzierży wiyncyj niż betón na czeskich autostradach, także na zaśnieżanych stokach se do eszcze wesoło skijować (a skialpować) aji na dwutysióncowych kopcach w okolicy Zell am See.

We wtorkowe a pióntkowe wieczory je do skialpinistów otwarty jedyn stok w Leogangu, po kierym se do wynść ku AsitzBräu (strasznie piekno chata, w kierej je piwne muzeum wybudowane z dwóch rozebranych starych nimieckich piwiarni). Byli my uż tam latoś w połowie stycznia – wtedy było w dolinie 15 stopni pod zerym, fczora zaś było 15 stopni nad zerym… Od ekstremu do ekstremu, i choć tych -15°C je w zasadzie na skialpy bardziyj ok 🙂

Oprócz ekstremalnej temperatury była fczorajszo tura specjalno tym, że to była moja setno tura na skialpach. Całe 2 a pół godzinki człapanio pod góre żech se cieszył, aż jóm zapijym piwkym na AsitzBräu (majóm tam dobre piwo, co w Austrii nima norma). No, jak my doszli ku chacie, tak my stwierdzili, że je zamkniynto. Góry sóm po prostu nieobliczalne… 🙂


Eszcze troche statystyk z okazji jubileuszu:

  • wysokościowych metrów: cca 77 tysiyncy
  • najdłuższo tura: z Bad Fusch (1186 m n.p.m.) na Schwarzkopf (2764 m n.p.m.), tj. cca 1600 wysokościowych metrów
  • najwyższy zdobyty szczyt: Piz Surgonda w Szwajcarii, 3196 m n.p.m.

Statystyke wypitego piwa, sznapsu a szampana (ja, też roz z nami był na turze) niestety nimóm 🙂

2 komentarze ku “Setno skialpowo tura

  1. Czau, tak zech se poogladala zdjecia, wszystki bardzo piekne, az chcialo by se tam być, ale tak se myslym, czy bys se tam ni miol dować daty, bo za pore /nasćie/ roków, mozesz se nie spomniec i dzieckom nie powiesz, kiedy to bylo? bo kaj to je jasne…

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *

= 14 - 6