Stubacher Sonnblick

Taki dni se podarzóm yny wtedy, jak miyszkocie pod górami. W sobote wieczór kuk na pogode („Ej, jutro mo być pieknie, niezajadymy na skialpy na Weissse?”), w niedziele rano kapke zaktualizujecie plany („Ty jo, dzisio mo być fakt pieknie, co tak se wywiyźć aż ku Rudolfshütte a zkusić wylyźć na Sonnblick?”) a je to: piyrfszo skialpowo tura na 3-tysiyncznik 🙂

Nejwiynkszóm niewiadomóm całej wyprawy nakóniec było, czy se mi podarzi Markét rano dostać dostatecznie fczas z łóżka. Podarziło se a i choć po drodze na góre mamrała a przi zjazdu nadowała o 106 (zaś tak fczaśni my nie byli, także nóm przi zjazdu uż troche zaszło słóńce, no i lodowiec był miejscami tfardy jak betón), tak ogólnie była w siódmym niebie a jo oczywiście też 🙂